Историски триумф на Биндер во Брно

41

Австриската екипа на КТМ по три и пол години конечно дојде до првата победа откако историја испиша Бред Биндер. Јужноафриканецот во рамките од „кралската“ класа“ во мотоциклизам славеше на трката во Брно, Чешка.

Биндер е вториот мотоциклист со триумф во дебитантска сезона, после актуелниот шампион Марк Маркез во 2013 година.

Минатата година Биндер забележа осум победи и 15 подиуми во Мото2, а претходно беше светски шампион во Мото3.

Зад одличниот Јужноафриканецот се пласираше Франко Морбидели на Петронас Јамаха, додека на третата позиција се најде Жоан Зарко кој ја имаше пол позицијата.

Победникот на првите две трки сезонава, возачот на Петронас Јамаха, Фабио Квартараро со доста проблеми заврши на седмото место.

Но, Французинот останува лидер во генералниот пласман со 59 бодови, пред Маверик Вињалес со 42. Следната четврта трка по ред ќе се вози на 16 август за Голената награда на Австрија.

Доколку преземете содржина од оваа страница, во целост сте се согласиле со нејзините Услови за користење.