Иво Јосиповиќ: Не е спречен Вучиќ да го посети Јасеновац, но неговата посета мора да е соодветно организирана

Поранешниот претседател на Хрватска Иво Јосиповиќ оцени дека претседателот на Србија Александар Вучиќ со редовната процедура едноставно и лесно ќе дојде во Јасеновац и Пакрац и додаде дека не му е јасно што има хрватскиот пратеник Милорад Пуповац, да се направи со најавата за посетата, кого Вучиќ неформално го информирал за таа посета.

– Каква врска има Пуповац? Ниту е српски амбасадор, ниту е надлежен да се занимава со протоколарните прашања на претседателот на друга држава поради неговиот статус на претставник во хрватскиот Сабор – изјави Јосиповиќ за весникот Нова.

Тој додал дека воопшто не се работи за спречување на Вучиќ да замине во Јасеновац, туку дека неговото заминување мора да се организира „како што му одговара на претседателот на државата, со сите безбедносни и други аранжмани договорени од надлежните служби на две земји“ и оцени дека Загреб тешко можел да реагира поинаку, но дека постои опција тоа да се „направи малку подискретно“.

Поранешниот претседател на Хрватска оцени и дека во двете земји е на сила „историскиот ревизионизам“ што ги расипува односите и посочи дека тој и поранешниот претседател на Србија, Борис Тадиќ, своевремено „направиле значајни чекори кон помирување и прифаќање на историски факти во духот на помирувањето“.

– Но, зајакнувањето на национализмот, историскиот ревизионизам, усташофилијата, рехабилитацијата на четниците, употребата на омразата како политичко гориво, го свртеа тркалото на историјата назад во времето на најлошите повоени односи – нагласи Јосиповиќ.

Доколку преземете содржина од оваа страница, во целост сте се согласиле со нејзините Услови за користење.