Три пожари во моментов сеактивни на територијата на Македонија. Дирекцијата за заштита и спасување информира за состојбата на пожари на територијата на Република Македонија, кои се активни или изгаснати во текот на денешниот ден, заклучно со 16 часот.
Активни пожари
Појавен е пожар над патот кон село Рашче во Општина Ѓорче Петров. Зафатена е нискостеблеста шума и трева. На терен се ангажирани: Дирекцијата за заштита и спасување со 5 припадници од републичките сили за заштита и спасување, 1 противпожарно возило со 3 пожарникари, 5 лица од шумското стопанство
-Појавен е пожар кај село Крнино во Општина Чашка – сеуште е активен. На терен се ангажирани Дирекцијата за заштита и спасување со 5 припадници од републичките сили за заштита и спасување и 20 лица од ШС Бабуна Велес
-Појавен е пожар кај место викано Прентов Мост-Општина Охрид
Пожарот е под контрола и се работи на ликвидирање на неколку преостанати жаришта. На лице место ангажирани се екипи на ПШС Галичица со 11 лица и 1 ПП возило и 3 пожарникари од ТППЕ Охрид, стои во соопштението на ДЗС.
Изгаснати пожари
-Општина Куманово кај село Облавце- пожарот е изгаснат во 13. 30 часот. Изгорена е сува трева.
-Општина Прилеп кај атар село Сарандиново- пожарот е изгаснат во 14.30 часот. Изгорена е сува трева.
-Општина Кичево, кај село Арангел-пожарот е изгаснат во 13.00 часот. Изгорени се стрништа.
Дирекцијата за заштита и спасување, преку своите подрачни одделенија и понатаму ја следи состојбата на теренот и ќе известува за секој ново настаната ситуација, се наведува во соопштението.
Пеколно високите температури го запалија Балканот
Пред десетина дена голем шумски пожар избувна во кумановско Слупчане. Пожарот беше изгаснат, но подоцна пвторно се активирал.
Од Дирекцијата за заштита и спасување тогаш информираа дека пожар на дабова шума избувнал и на непристапен терен во населеното кумановско село Матејче.
Неколку големи пожари тие денови беснееја во јужна Грција, хрватското приморје и во делови од Херцеговина.
Меѓу поголемите пожари беа оние на грчките острови Закинтос и Скирос, како и во близина на селото Дистомо на полуосторовот Пелопонез.
Грчката полиција тогаш соопшти дека на подрачјето близу Атина што беше зафатено од голем пожар, било пронајдено јагленосано тело на еден полицаец, кој е прва жртва на огнените стихии во Грција ова лето.
Два големи пожари во исто време беснееја во предлот Крижњак близу приморскиот град Трогир и близу местото Пругови, северно од Сплит во Хрватска.
Пожари беа регистрирани и на подрачјата на херцеговските градови Мостар, Чапљина, Столац и Коњиц.
Поради високите температури пожари имаше на подрачјето на целиот Балкан.
