Претседателот на ВМРО-ДПМНЕ Христијан Мицкоски денеска на својот Фејсбук профил сподели видео од големите лажни предизборни ветувања на власта предводена од СДСМ во врска со загадениот воздух во земјава.
„Да дишеме чист воздух, затоа што нема слобода и живот без чист воздух” ова беа зборовите на Зоран Заев кога ветуваа алпски чист воздух, а испорачаа најзагаден воздух во Светот. Македонија ја направија неславен рекордер по степен на загаденост, но уште поважно, цената за таквата измама ја плаќаме сите ние, со најскапото нешто, здравјето. Излажаа дека имаат решенија, а сѐ друго им е популизам. Едноставно, измамници со убави зборови без дела. Потребни се промени, неопходна е обнова за која заедно ќе се избориме, стои во неговиот пост на Фејсбук.
