Излезе на виделина валканиот веш на власта, велат од ВМРО-ДПМНЕ, избрале компанија за шиење гаќи да врши надзор на изградба на коридори – смрди на корупција

Скандалот со изборот на надзор за изградбата на коридорите 8 и 10Д го извади на виделина валканиот веш на власта на Груби и Ковачевски. Овој пат буквално. Груби и Ковачевски доделуваат тендер за надзор тежок 22 милиони евра во кој клучна е фирмата „Електра Солушн“ која до неодамна се занимавала со производство на гаќи и која лиценца за А надзор извадила дури откако тендерот бил во тек, реагираат од ВМРО-ДПМНЕ.

-Оваа компанија која до скоро произведувала гаќи и долна облека немала никакво искуство за надзор на изградба на патишта, а ќе добие најголем дел од овој тендер, односно 8,3 милиони евра. Дополнително оваа компанија е во сопственост на синот Андон Ампов, и седиштето во Велес го дели со Институтот за патишта – Велес на братот Сотир Ампов – Помладиот, кој е добитник на првиот тендер за надзор, кој заради руската врска беше поништен. Да биде уште посомнително „цимер“ им се хрватската фирма ИГХ со руски капитал, како што сам кажа и Грубим велат од партијата.

ВМРО-ДПМНЕ оценува дека Груби и Ковачевски овие информации воопшто не ги тангираат, што отвора сомнеж дека знаеле дека се работи за контроверзна компанија и сепак ја ангажирале.

„Јавното обвинителство нека не изигрува смоквин лист кој го покрива срамниот скандал на Груби и Ковачевски. Разголен е веќе целиот план на оваа власт. Овде смрди на криминал и корупција. Јавното обвинителство треба веднаш да отвори постапка“ – велат од ВМРО-ДПМНЕ.

Доколку преземете содржина од оваа страница, во целост сте се согласиле со нејзините Услови за користење.