Изложба на академскиот сликар Новица Трајковски во „Матица ексклузив“

101

Во мултимедијалниот центар „Матица ексклузив“ во Скопје, на 15-ти  јануари ќе биде отворена изложбата на академскиот сликар Новица Трајковски.

Познатиот уметник ќе се претстави со триесеттина дела создадени во последниве некоку години. За оваа пригода, Книгоиздателството „Матица македонска“ од Скопје, подготви каталог за творештвото на Трајковски. Изложбата ќе ја отвори писателот Ефтим Клетников.

Со оваа изложба, „Матица македонска“ ја продолжува востановената традиција да ги афирмира високите вредности на македонските сликари и уметници. Во овој престижен салон во изминативе месеци со свои дела се претставија академските сликари Васко Ташковски, Газанфер Бајрам, Глигор Чемерски, Коле Манев, Владо Герогиевски, Симон Шемов, Павле Кузмановски и скулпторот Илија Аџиевски.

Доколку преземете содржина од оваа страница, во целост сте се согласиле со нејзините Услови за користење.