Jаневски: Изборот на Џафери е параван, провокација кон народните маси

101

Изборот на Талат Џафери за претседател на Собранието беше провокација кон народните маси, за да се создадат немири, се работи за иисценирана операција за промена на улогите, смета Дарко Јаневски, главен и одговорен уредник на Дневник.

Во интервју за ТВ НОВА тој потсети дека откако започнаа протестите немаше никаков инцидент, луѓето излегоа со свои барања, а последното беше она за нови избори, меѓутоа некој сакаше да ја промени перцепцијата.

„Кај народот беше создадена перцепцијата дека ’црвено-жолтите’  ја бранеа државата, наспроти ’агресорот’ претставен преку СДСМ и албанските партии со ткн  Тиранска платформа. Очигледно некој сакаше оваа перцепција да се смени“, рече Јаневски.

Симпатиите, како што рече, секогаш се на страната на оној којшто трпи некакво насилство, па оттука и потребата да се испровоцира тоа насилство.

„Луѓето од СДСМ да бидат претставени како жртви, а наспроти тоа оние кои довчера го носеа ореолот на бранители на државата да испаднат хулигани, насилници и агресори. Се работи за операција во којашто требаше да се сменат улогите“, смета Јаневски.

 

Доколку преземете содржина од оваа страница, во целост сте се согласиле со нејзините Услови за користење.