Јовановски: Вработените немаат плата, а МЖ набавува алкохол за 24.000 евра

Додека Македонски железници немаат ниту за плата, оваа владина институција под надлежност на Министерството за транспорт на Сугарески врши набавка на алкохолни пијалоци над 24 илјади евра, обвинува Крсто Јовановски од ВМРО-ДПМНЕ.

„Внимавајте, 24 илјади евра за алкохолни пијалоци платени со државни пари, во исто време кога на вработените мака мачат да добијат плата. Нема пари за пензии, за плати во Колска и други загубари, за субвенции, но има пари за алкохолни пијалоци. Јавноста заслужува одговори од Сугарески и од владата предводена од Заев, зошто има пари за алкохолни пијалоци, а нема за субвенции, пензии, за нови патишта, нови проекти. Зошто за Сугарески и Заев приоритет се алкохолните пијалоци набавени со државни пари, а не е стопираната изградба на автопатот Кичево-Охрид, експресниот пат Градско-Прилеп, заглавениот автопат кој речиси беше пред ставање на употреба Демир Капија-Смоквица“, истакнува тој.

Јовановски потенцираше дека ВМРО-ДПМНЕ бара веднаш да се поништи оваа набавка и парите да се пренасочат кон реализација на проекти за граѓаните.

„На претстојните локални избори на 15-ти октомври граѓаните ќе го казнат СДС. Граѓаните ќе кажат НЕ на расипникот Зоран Заев, Горан Сугарески. Граѓаните повеќе не сакаат да се трошат нивните пари на луксузирање на поединци од владата на СДС“, заклучи Јовановски.

 

Доколку преземете содржина од оваа страница, во целост сте се согласиле со нејзините Услови за користење.