Кафулињата и баровите во Киев ќе работат еден час повеќе

Полицискиот час за време на војната во Киев ќе се намали за еден час за да се поттикне бизнисот, објави администрацијата на главниот град на Украина.
Од почетокот на војната минатиот февруари, жителите на Киев и сите други градови ширум Украина се предмет на регионално воведен полициски час од безбедносни причини.
Ноќните посетители на баровите и клубовите кога си одат дома се соочуваат со испрашување, казнување или регрутирање од страна на полицијата и војниците кои патролираат по улиците на украинските градови ноќе.
Шефот на градската управа во Киев, Сергеј Попко, изјави дека полицискиот час во иднина наместо во 23 часот ќе започне на полноќ, пишува „Гардијан“.
Со тоа ќе се продолжи функционирањето на јавниот превоз, кој, смета Попко, треба „да помогне во намалувањето на социјалните тензии, зголемување на производството и отворање нови работни места“.

Доколку преземете содржина од оваа страница, во целост сте се согласиле со нејзините Услови за користење.