Како Димитров и Царовска им кажуваат на граѓаните дека треба да гласаат, кога тие се загрижени за своето здравје?

60

СДСМ сака брзи избори по цена на здравјето на граѓаните. СДСМ ја интересира само власт, а не здравјето на граѓаните. Јасно ли му е на СДСМ дека во вакви услови, во услови кога секој ден има новозаболени, а има и починати, граѓаните се загрижени за своето здравје, а исто така се заинтересирани и како ќе преживеат зошто допрва ќе се гледаат економските последици од корона кризата, реагира ВМРО-ДПМНЕ.

„Јасно е дека ниту државата се справува со епидемијата, ниту со економските последици. Како мисли СДСМ дека со брзи избори ќе се воспостават легитимни и функционални институции?! Како тоа Никола Димитров и Мила Царовска им кажуваат на граѓаните дека треба да одат да гласаат кога тие се загрижени за своето здравје. Димитров е министерот во чие министерување се смени името и се тргува со идентитетот. Затоа им гори под нозете. И како тоа велат дека имаат почит кон здравствените работните? Тие ги излажаа здравствените работници на кои им ветуваа плата од 100 илјади денари и ги излажаа. СДСМ прво нека ја извади главата од песок, нека ги стави граѓаните и нивното здравје на прво место, а не политиката и функциите. СДСМ покажа само неспособност за справување со корона вирусот и последиците од него“, велат од ВМРО-ДПМНЕ.

Доколку преземете содржина од оваа страница, во целост сте се согласиле со нејзините Услови за користење.