Кампањата на Стево Пендаровски под слоганот „Заедно напред“

„Заедно напред“ е слоганот со кој кандидатот за претседател Стево Пендаровски ќе бара поддршка од граѓаните за изборите на 21 април. Одлуката е донесена на синоќешниот состанок на Централниот изборен штаб на СДСМ и коалицијата на кој учествувале сите министри, градоначалници и високи функционери од владејачката партија.

Слоганот ја одразува суштината на Програмата на Стево Пендаровски што се темели на принципи на заедништво, на обединување на граѓаните и на забрзан развој на земјата на патот кон НАТО и ЕУ.

На проширената средба на Централниот изборен штаб, премиерот Зоран Заев побарал ангажман од сите во партијата за одржување на кристално чисти избори.

Доколку преземете содржина од оваа страница, во целост сте се согласиле со нејзините Услови за користење.