Спорт

Кањељас потпиша за ПИК Сегед

Кањељас потпиша за ПИК Сегед

Бекот на европскиот шампион Вардар, Жоан Кањељас од следната сезона ќе го носи дресот на ПИК Сегед, потврдија официјално од унгарскиот тим.

Триесет и едногодишниот Кањељас потпишал двегодишен договор со ПИК Сегед.

„Среќни сме да соопштиме дека Жоан Кањелас ќе го засили ПИК Сегед од летово“, пишува на официјалната веб-страница на тимот.

За бекот на репрезентацијата на Шпанија ова ќе биде осмиот клуб во кариерата по Грањољерс, Барселона, Сиудад Реал, Атлетико Мадрид, Хамбург, Кил и Вардар.

Покрај Кањелас, летово од македонскиот ракометен шампион ќе си заминат и Абутовиќ, Марсениќ, Циндриќ, Штербик и Македа, како и тренерот Раул Гонзалез.