Казнети 33 возачи за пречекорување на брзината во Скопје

18

Санкционирани се 33 возачи кои ја пречекориле брзината на движење со моторно возило на подрачјето на Скопје. Акциската контрола за откривање на возачи кои ја пречекориле брзината на движење со моторно возило на подрачјето на Скопје, вчера од 6 часот до полноќ ја спроведе Одделението за безбедност на сообраќајот при Секторот за внатрешни работи Скопје.

МВР соопшти дека откриени се 57 останати прекршоци за кои се издадени 12 мандатни платни налози и 45 прекршочни платни налози.

Одделението за безбедност на патниот сообраќај вчера од 19:30 до 1 часот по полноќ спроведе акциска контрола за откривање на прекршоци што ги прават возачите на мотори на подрачјето на Скопје, при што санкционирани се 47 возачи, а откриени се и 42 останати прекршоци.

Доколку преземете содржина од оваа страница, во целост сте се согласиле со нејзините Услови за користење.