Ким најави нова најсофистицирана болница во Северна Кореја

26

Севернокорејскиот лидер Ким Џонг-ун денеска положи камен-темелник за изградба на нова болница, истовремено признавајќи дека во земјата недостасуваат современи медицински институции.

– Клучно е државните напори да бидат насочени кон подобрување на јавното здравје… Модерната општа болница треба да биде завршена до 75-годишнината од формирањето на Работничката партија, што ќе се обележи во октомври, посочи Ким.

Тој додаде дека во Пјонгјанг има неколку модерни болници, но оти новата ќе биде најсофистицирана во Северна Кореја.

https://twitter.com/WPCION/status/1240212008173211650?ref_src=twsrc%5Etfw%7Ctwcamp%5Etweetembed%7Ctwterm%5E1240212008173211650&ref_url=https%3A%2F%2Fwww.mkd.mk%2Fsvet%2Fvesti%2Fkim-prizna-deka-sostojbata-e-losha-se-gradi-bolnica-foto

Според податоци на Светска здравствена организација во Северна Кореја има 135 општи и други болници.

Експертите предупредуваат дека епидемијата на новиот коронавирус во Северна Кореја би можела да има катастрофални последици по земјата поради хроничниот недостиг на медицинска опрема и застарената болничка инфраструктура.

Доколку преземете содржина од оваа страница, во целост сте се согласиле со нејзините Услови за користење.