Кина испрати уште еден тим астронаути во својата вселенска станица „Тиангонг“ (Небесниот дворец) во вторникот.
Астронаутите, кои во Кина се нарекуваат таиконаути, полетаа со вселенското летало „Шенжу 16“ од вселенското пристаниште Џиукуан на северозападот на земјата. Тие беа пренесени во вселената со ракетата „Долгиот марш“ (Long March 2F).
Меѓу тројцата астронаути е и научникот Гуи Хаичао од Универзитетот Беиханг, првиот цивил во кинеската вселенска историја. Се очекува тој да спроведе експерименти на станицата. Сите други кинески астронаути досега беа припадници на кинеската војска.
Останатите двајца астронаути се Џинг Хаипенг, кој има изведено повеќе мисии од кој и да е друг кинески вселенски патник на неговиот четврти вселенски лет, и инженерот за летови Жу Јангжу.
Тројцата астронаути од Шенжу 16 ќе останат на станицата пет месеци. Сегашниот екипаж на вселенската станица треба да се врати на Земјата в сабота, но датумот не е официјално потврден.
