Кинески Xiaomi го претстави новиот смартфон со безжично полнење за 69 минути

Кинескиот производител на паметни телефони „Xiaomi“ го престави во вторникот новиот модел мобилен уред „Mi 9 Pro 5G“ со технологија за брзо безжично полнење, кое овозможува целосен капацитет на батеријата за 69 минути.

Како што наведува интернет-порталот The Verge, за разлика од претходните модели, новиот го поддржува мрежниот стандард од петтата генерација (5G). Уредот е опремен со чипсетот Snapdragon 855+ и OLED екран со дијагонала од 16,5 сантиметри.

Цената на моделот „ Mi 9 Pro 5G“ ќе се движи од 520 до 605 американски долари, во зависност од конфигурацијата. Продажбата на првата серија од овие паметни телефони ќе започне во Кина.

Доколку преземете содржина од оваа страница, во целост сте се согласиле со нејзините Услови за користење.