Кинеските вакцини нема да пристигнат во февруари

53

Иако до крајот на февруари требаше да пристигнат долгоочекуваните кинески вакцини против коронавирусот, сепак, министерот за здравство, Венко Филипче, денеска истакна дека набавката на 200.000 вакцини од Кина ќе доцни и дека во моментов не знае кога точно би пристигнале.

– Се работи за нешто што секојдневно произлегува од комуникацијата, но ние сме постојано во контакт и водиме интензивни разговори со претставниците на компаниите. Се надевам дека следните денови ќе имаме и конкретни датуми, но засега остануваме само со тие интензивни разговори со компаниите – рече Филипче.

Во меѓувреме расте бројот на новозаболени и хоспитализирани, а според министерот, тоа главно се должи на британскиот сој, кој е присутен во 70 проценти од новите случаи.

Филипче уверува дека засега нема простор за паника, дека има сободни места во болниците, но и дека не се исклучува можноста за воведување нови заштитни мерки доколку дојде до влошување на состојбата.

Доколку преземете содржина од оваа страница, во целост сте се согласиле со нејзините Услови за користење.