Кире Лазаров прогласен за најдобар десен бек на деценијата

Легендарниот македонски ракометар Кирил Лазаров е прогласен за најдобар десен бек на деценијата во изборот на реномираниот ракометен портал Handball-Planet.com.

Порталот ги претстави резултатите од изборот за NEXE најдобар играч на деценијата. Жирито било составено од 21 тенер, ракометни легенди и новинари од разни краеви од светот, а се бирал најдобриот на секоја позиција во ракометот.

На позицијата десен бек првото место му припадна на Лазаров со високи 67 проценти од гласовите. Второпласиран е Ласло Наѓ кој озвоил 23 отсто од гласовите. Третото место му припадна на Алекс Душебаев со 10 проценти освоени гласови.

За најдобар ракометар на деценијата е прогласен Никола Карабатиќ.

Доколку преземете содржина од оваа страница, во целост сте се согласиле со нејзините Услови за користење.