Кире Лазаров со четири гола ја отвори сезоната во Европската лига на ЕХФ

Францускиот ракометен тим на Нант со победа над Кокс од 40-28 го започна настапот во групната фаза на Европската лига на ЕХФ.

Гостите важеа за големи фаворити и тоа го потврдија на теренот на кој го надиграа противникот како во првото така и во второто полувреме.

Нант се избори за плус четири по првите 30 минути (18-14), предност која продолжи да ја зголемува и по паузата за убедлив триумф на крајот од 12 разлика. Нашиот репрезентативец и воедно селектор Кире Лазаров одигра без грешка и даде четири гола од четири обиди.

Нант во второто коло во ова натпреварување го дочекува германски Лемго.

Доколку преземете содржина од оваа страница, во целост сте се согласиле со нејзините Услови за користење.