Кирил Лазаров во идеалниот тим на „екс-ју”, Наумче во вториот тим

214

Реномираниот интернет портал „Балкан хендбал” го одреди идеалниот тим на играчи од просторите на поранешна Југославија, меѓу кои очекувано се најде и капитенот на македонската репрезентација Кирил Лазаров.

Во изборот на „Балкан хендбал” покрај новинари од земјите учеснички на претстојното Европско првенство во Данска, со гласање партиципираа и читателите од четирите земји учеснички, Македонија, Србија, Хрватска и Црна Гора.

Од секоја земја беа номинирани по тројца ракометари за секоја позиција поединечно, а во најдобрите седум покрај Кирил Лазаров (лев бек) се најдоа: Хрватите Мануел Штрлек (лево крило), Домогој Дувњак (централен бек), Иван Чипиќ (десно крило) и Игор Вори (пивот). Идеалниот тим го комплетираат српските репрезентативци Дарко Станиќ (голман) и Момир Илиќ (лев бек).

Двајца македонски репрезентативци има во вториот состав и тоа Наумче Мојсовски (централен бек) и Дејан Манасков (лево крило). Покрај нив во вториот тим се: голман – Мирко Алиловиќ (Хрватска), лев бек – Блаженко Лацковиќ (Хрватска), десен бек – Марко Вујин (Србија), десно крило Рајко Продановиќ (Србија) и пиво – Младен Ракчевиќ (Црна Гора).

Од овие четиринаесетмина ракометари само Наумче Мојсовски поради повреда ќе го пропушти Европското првенство кое започнува на 12 јануари.

Доколку преземете содржина од оваа страница, во целост сте се согласиле со нејзините Услови за користење.