КК Работнички ја засилува центарската линија со Мацура

20

Во пресрет на новата кошаркарска сезона, во која ќе се натпреварува само на домашна сцена, екипата на скопски Работнички доведе уште едно ново име во своите редови.

Нов член на најтрофејниот македонски кошаркарски колектив е српскиот интернационалец Милош Мацура. Овој 31-годишник ќе ја засили конкуренцијата под кошевите.

Се работи за искусен српски интернационалец кој поседува и хрватски пасош, играч кој во последните сезони настапуваше за УСК од Прага и Раднички Крагуевац. Тој ја покрива центарска линија и треба да биде уште една значајна опција во тимот предводен од Тони Симиќ.

Во сегашната кариера има настапувано во Србија, Русија, Белгија, Шпанија, Романија, Франција, Чешка… што значи е кошаркар со огромно искуство. Претходно Работнички ги доведе уште Луизер, Босанецот Мустафица и Американецот Џексон Емерсон Пол

Доколку преземете содржина од оваа страница, во целост сте се согласиле со нејзините Услови за користење.