Кои се симптомите на топлотен удар и како да реагирате

56

Според информациите од УХМР, денеска и во наредните два дена, целата држава ќе биде зафатена со температури од портокалова фаза, а со тоа постои можност и за топлотен удар.

Симптомите на топлотен удар се; дехидрираност, сува уста, умор, омалаксаност, општа слабост на телото и мускулите и несвестица.

При ваквата состојба потребно е да се легне лицето, да пие течности, да се стави инфузија, да е под постојан лекарски надзор.

Министерството за здравство апелира граѓаните да ги почитуваат општите препораки за заштита од високите температури:

– Заштита од директна сончева изложеност, избегнување престој на отворено во периодот од 11 до 17 часот

– Носење светла и лесна облека, а при директна изложеност на сонце носете заштитни очила и капа (светлите бои ја рефлектираат светлината)

– Консумирање лесна храна и течности, посебно да се внимава при подготовка и консумирање на храната, како и избегнување термички необработени производи, на пример мајонези од домашни јајца и внимателно да се консумира сладолед и разни кремови.

– Потребно е внесување поголемо количество течности, најдобро обична вода за пиење, а да се избегнуваат алкохолните пијалаци.

– При влегување во возило, потребно е тоа одреден период да се проветри.

– Во текот на ваквите екстремно топли денови, останете во затворени простории (пред се климатизирани), а при неопходен престој на отворен простор во овој период, да се најде можност за почести одмори под сенка.

– На хронично болните лица им се препорачува редовно земање на пропишаната терапија.

 

Доколку преземете содржина од оваа страница, во целост сте се согласиле со нејзините Услови за користење.