Кокаин откриен во пратка со банани во Крушопек, се огласи и министерот Чулев

126

Во полициската акција којашто доцнеа попладнето во средата се спроведува во селото Крушопек, во скопската општина Сарај, запленето е големо количество кокаин, кој бил најден во пратка со банани.

За оваа акција се огласи и министерот за внатрешни работи Наќе Чулев.

Ја информирам јавноста дека Министерството за внатрешни работи во овој момент презема широк спектар на оперативни мерки и активности. По насоки на јавен обвинител и по наредба на судија на претходна постапка се вршат претреси на подрачјето на село Крушопек во близина на Скопје поради недозволена трговија со дрога, пишува Чулев на Фејсбук и додава дека целиот капацитет на Министерството за внатрешни работи е ставен во заштита на граѓаните и безбедноста на државата.

Помина времето кога високото раководство во МВР соработуваше и ги поддржуваше криминалните структури во државата. Повеќе информации за јавноста ќе соопштиме во текот на утрешниот ден“, потенцира Чулев.

Доколку преземете содржина од оваа страница, во целост сте се согласиле со нејзините Услови за користење.