Колариќ: Хунтата на Заев и Спасовски се изживува со Едмонд Темелко, a подготвуваат закон за амнестија на убијци

Нечовечно, против законски и брутално кршење на човековите права преставува приведувањето на единствениот македонски градоначалник во Албанија, Едмонд Темелко. Темелко е со животно загрозено здравје, а се најде во притвор како резултат на политичката хајка водена од страна на СДС, а реализирана од СЈО на Катица Јанева, изјави во средата Светлана Колариќ член на Извршниот комитет на ВМРО-ДПМНЕ.

Колариќ истакна дека истовремено кога „хунтата на Заев и Спасовски“ прогонува и затвора недолжни граѓани и се изживува врз Едмонд Темелко кој е со животно загрозено здравје, владата на СДСМ преку законот за амнестија ќе ослободи лица кои се осудени на тешки криминални дела.

„Додека недолжни се носат во притвор, убијци, разбојници и криминалци се ослободуваат. Од СДС и Заев амнестија ќе има за лица осудени за убиства. Невините во затвор, осудени криминалци на слобода. Само поради тоа што расте нервозата и стравот од пораз на Зоран Заев, во паника продолжуваат со хајките против луѓето на ВМРО-ДПМНЕ. Овде се работи за животот на невин човек кој е во тешка состојба здравствена која може да биде со фатални последици по неговиот живот. ВМРО-ДПМНЕ го повикува Народниот правобранител уште денеска да излезе и да го посети Едмонд Темелко, кој истиот ги посетуваше и осомничените во случајот „Монструм“. Овде се загрозени човековите прави и мора да следи негова реакција. Владата не само што ги киднапира државните институции туку во Република Македонија, туку во Република Македонија завладува хунта’, истакна Колариќ.

Според неа, колку повеќе СДСМ прави притисоци, толку повеќе ќе ја губат поддршката од народот. Таа рече дека правдата ќе ги стигне бидејќи правдата е над сите и пред сите.

 

Доколку преземете содржина од оваа страница, во целост сте се согласиле со нејзините Услови за користење.