Координаторите на партиите на средба кај Талат Џафери

31

По синоќешните тензии, утрово координаторите на пратеничките групи се на состанок кај претседателот на Собранието. Талат Џафери ги повика за, како што рече, да се потврди желбата на сите партии за одржување на изборите на 12 април.

Дилемата за датумот и воопшто, одржувањето на избори, се отвори, по препукувањата околу Законот за јавно обвинителство и за Советот на јавни обвинители, како и предлогот за разрешување на техничката министерка, Рашела Мизрахи.

Пратеници од СДСМ, вчера му испраќаа пораки по фејсбук, барајќи од него да ја закаже седницата за разрешување на Мизрахи, велејќи дека, доколку тоа не се случи и не се изгласаат спорните закони, има можност да се создаде ново парламентарно мнозинство. Џафери им врати дека нема профил на фејсбук и побара од нив да дојдат на средба и да се изјаснат за понатамошните потези.

Доколку преземете содржина од оваа страница, во целост сте се согласиле со нејзините Услови за користење.