Кошаркарките против Летонија, Хрватска и Германија ќе бркаат пласман на ЕП

34

Нашата женска кошаркарска репрезентација ќе се надигрува со репрезентациите на Летонија, Хрватска и Германија во рамки на квалификациите за Европското првенство закажано за две години (2021 година) откако на денешниот ждреб во Минхен беа извлечени групите. Сениорките ќе бидат дел од групата „И“.

Првиот прозорец е предвиден за претстониот ноември (2019 година), вториот ќе се одигра идниот ноември (2020 година), а последниот ќе се одигра на почетокот на месец февруари во 2021 година.

Репрезентациите се поделени во девет групи од кои шест составени од четири репрезентации, а три групи се составени од три репрезентации. Секоја репрезентација ќе одигра по два натпревара против останатите во групата, на домашен и на гостински терен.

Првопласираните репрезентации од секоја група како и петте најдобри второпласирани репрезентации ќе се квалификуваат на Европското првенство.

Распоред на натпревари:

14.11.2019
Германија –  Македонија
17.11.2019
Македонија – Летонија

12.11.2020
Хрватска – Македонија
15.11.2020
Македонија – Германија

4.02.2021
Летонија – Македонија
7.02.2021
Македонија – Хрватска.вз

Доколку преземете содржина од оваа страница, во целост сте се согласиле со нејзините Услови за користење.