Косовските Срби започнаа протести во Северна Митровица

Лица од српска националност се собраа денеска во Северна Митровица на протести поради формирањето на Војската на Косово, јави дописникот на МИА од Приштина.

На собирот организран пред седиштето на УНМИК во северниот дел на поделениот косовски град, демонстрантите симболично ја погребаа Резолуцијата 1244 на Советот за безбедност на ОН, бидејќи, според нив, таа била поништена со денешната одлука на Собранието на Косово за трансформација на Безбедносните сили во Војска.

Резолуцијата, според претставниците на косовските Срби и официјален Белград, пропишува дека единствена вооружена сила во Косово може да биде КФОР.

Насобраните граѓани во Митровица протестираа и против таксата од 100 отсто на увозот на српски производи во Косово.

Доколку преземете содржина од оваа страница, во целост сте се согласиле со нејзините Услови за користење.