Костадин Филипов, публицист и добар познавач на македонско-бугарските односи, поранешен дописник од Македонија, како гостин во студито на бугарската национална телевизија рече дека македонскиот премиер Зоран Заев со изјавата дека Бугарија може да ја запре Македонија во добивањето на датум за преговори всушност испратил сигнал до Германија да започне со притисок врз Бугарија.
„Она што тие го предложија, не е ниту добрососедство, ниту е братство, а не е ниту европско “, рече Заев неодамна коментрајќи ја средбата на министерот за надворешни работи Бујар Османи со неговата бугарска колешка Екатерина Захариева во Софија.
– Изјавата на Заев е сигнал до Германија да изврши притисок врз Бугарија да дозволи да започнат преговори за пристап на Северна Македонија во ЕУ. Она што Османи го кажа за средбата во Софија, Заев го протолкува како црвено светло што навистина го доведува во прашање спроведувањето на конференција во декември, за кога Германија, која е претседател на ЕУ и е ментор на Берлинскиот процес, се обврза кон Скопје, рече Филипов во студиото на БТВ.
– Грција има многу во договорот детални и „прагматични“ барања во наметнувањето на нивните интереси, достигнувајќи дури и до „налепници“ на историски теми, додека договорот меѓу Софија и Скопје е оставен да зависи од работата на заедничката историска комисија која не е собрана 10 месеци, додаде Филипов.
