Костовски: Бутел ќе добие два нови паркa и модерен плоштад

22

Наспроти јасната визија на Велимир Смилевски од општина Бутел да направи бетонизирана општина, ние нудиме зелена општина – Бутел, вели кандидатот за градоначалник на Општина Бутел од ВМРО-ДПМНЕ, Дарко Костовски.

Токму заради тоа во наредните четири години ќе бидат изградени два големи паркови, едниот на булеварот „Христијан Тодоровски Карпош“ од левата страна гледа према населба Радишани. Овој парк ќе биде втор по големина во градот Скопје. Вториот во населбата Радишани на третиот влез спрема Коњичкиот клуб.

Ова е јасна порака до сите бутелчани дека ние се грижиме за зеленилото во општината.

Исто така во наредните четири години општина Бутел ќе добие нов голем и модерен плоштад од потегот на полициската станица која ќе се дислоцира се до црквата Свети Јован. На оваа површина ќе изградиме и културен центар каков што му недостига на Бутел. И ќе изградиме еден мини трговски центар за потребите на граѓаните од општина Бутел.

Изборот е јасен, со заокружувањето на бројот 7 си ја заокружуваме нашата иднина за безбедна општина Бутел и за модерна општина Бутел.

Доколку преземете содржина од оваа страница, во целост сте се согласиле со нејзините Услови за користење.