Македонскиот премиер Димитар Ковачевски, на маргините од Бледскиот стратешки форум во понеделникот се сретна со претседателот на хрватската влада Андреј Пленковиќ.
На средбата на која присуствуваше и вицепремиерот за европски прашања, Бојан Маричиќ, се разговарало за актуелните случувања во врска со процесот на евроинтеграции на Македонија. Двајцата премиери оцениле дека европската интеграција е најдобар механизам за напредок на нашата земја, што меѓу другото ќе овозможи стабилна економија, повисок животен стандард за граѓаните и ќе донесе повеќе инвестиции соопштија од Владата.
