Крводарителска акција во Кисела Вода

Претставници на општинската администрација, советници, претставници на сите месни и урбани заедници од општината, граѓани, жители на општина Кисела Вода денес беа дел од  акцијата за дарување крв, организирана од општина Кисела Вода и Општинската организација на Црвениот крст – Кисела Вода, во соработка со Институтот за трансфузиона медицина.

32 хумани луѓе од вкупно 36 пријавени, денес, во Големата сала на општина Кисела Вода, даруваа од оваа драгоцена течност и со тоа ја изразија својата хуманост и солидарност. Меѓу дарителите имаше и такви  кои имаат ретка крвна група и нови, кои за прв пат даруваат крв.

„Вашата крв спасува живот” е мотото под кое се одвиваше денешната крводарителска акција. Истата, во општина Кисела Вода е традиционална и се одвива неколку пати годишно.

krv5

Доколку преземете содржина од оваа страница, во целост сте се согласиле со нејзините Услови за користење.