Квотите за лекови во туристичките места се укинати само за август

Од Фондот за здравствено осигурување информираат дека лекови на рецепт може да се подигнат во аптеките со идентификување со лична карта или пасош. Доколку некој не е во можност сам да го подигне лекот, истото може да го стори друго лице, но повторно со прикажување документ за идентификација. Ова го соопштија од Фондот еден ден по изјавата на министерот Филипче во врска со квотите на лековите и рецептите во туристичките места.

 Министерот Филипче се дообјасни на социјалната мрежа Фејсбук, на која напиша дека начинот на издавање рецепти останува ист како досега. Сите лица кои не можат да подигнат лично лекови, можат истото да го сторат членови на нивните семејства.

Појаснувањето на министерот доаѓа по неговата вчерашна изјава дека од аптека лекот ќе може да го подигне лично оној на кого е препишан, а дека се работи и на решение за оние што не се во состојба сами да ги подигнат лековите.Мерката почна да функционира од денеска, а фармацевтите велат дека ќе има ефект само ако не биде ограничена на одреден временски период.

Од опозицијата, пак, обвинија дека и ова е мерка за дефокусирање на јавноста од скандалот „Рекет“.

Од денеска нема квоти за лекови во туристичките места, односно во Охрид, Струга, Ресен, Гевгелија и Дојран. За останатите граѓани во земјата, оваа мерка почнува да важи од септември или октомври.

Доколку преземете содржина од оваа страница, во целост сте се согласиле со нејзините Услови за користење.