Њу Орлеанс Пеликанс го искористија отсуството на Лука Дончиќ и дома го победија Далас со 112-103 во еден од поинтересните натпревари кои се одиграа вчера во НБА лигата.
На овој натпревар блесна Зион Вилијамсон кој беше одличен во нападите на домаќинот и со 38 поени ги предводеше поентерите. Кај Далас во отсуство на Дончиќ се истакна Тим Хардавеј со 30 поени, додека 24 постигна Брунсон.
Јута Џез стигна и до петтата победа во низа, откако на свој паркет го доби Мемфис (126-110). Донован Мичел беше нерешлива енигма за гостите, па со 35 поени го предводеше својот тим до триумфот, а му помогнаа Кларксон со 28, додека одлична партија во два правци имаше Руди Гобер со 16 поени и 14 скокови. Кај Гризлис најпрецизен беше Инглес со 15, но најкорисен Валанчиунас со „дабл-даб“ од 13 поени и 11 скокови.
Клиперси се „разбудија“ во второто полувреме и победија против Филаделфија во „Стејплс Центар“ со 122-112. Најмногу поени постигна Тобајас Харис од Филаделфија (29), додека го следеше дуото ѕвезди од Калифорнија, Кавај Ленард (28) и Пол Џорџ (24).
Њујорк Никс запиша победа кај Милвоки (96-102), Хјустон во Минесота (107-129) и Бостон кај Оклахома (94-111). Дома до славја дојдоа Вашингтон Визардс против Детроит (106-92), Сан Антониот беше подобар од Чикаго (120-104) и Сакраменто минимално слави со Кливленд (100-98).
