„Ла верита“: Катица Јанева е осудена да стане громобран за судии и политичари во случајот „Рекет“

Италијанскиот весник „Ла верита“ најавува дополнителни докази кои потврдуваат директна контрола од страна на државниот врв врз активностите околу изнудувањето, во оној момент кога ќе биде обезбедена безбедност на изворите.

,,Катица Јанева изгледа дека е осудена да стане громобран за сите оние, судии и политичари, коишто се инволвирани во скандалозниот систем за изнуда и погрешно раководење со државата за време на мандатот на Заев”, пишува во денешното издание италијанскиот весник, кој прави пресек на случувањата во земјата околу аферата ,,Рекет” и приведувањето на специјалната обвинителка.

,,Сѐ до нашата интервенција, овој материјал не бил земен сериозно предвид од страна на обвинителскиот врв предводен од Рускоска, жената која не случајно Зоран Заев сакаше да го земе местото на Катица Јанева и да продолжи со работа. Доказ за тоа дека Зоран Заев во Македонија го контролира и судскиот систем, дел од новинарскиот и секако политичкиот, се фактите коишто следуваа во последниве денови.

Семоќниот човек се обиде да ја дискредитира нашата работа, обвинувајќи нè дека сме сакале да го саботираме патот на Македонија кон ЕУ и НАТО. Неговите обвинувања се распаднаа како кула од карти со оглед на тоа што е потврдено дека нашиот весник од секогаш ги бранел северноатлантизмот и здравиот европеизам како важни вредности во општеството. Но, фактот дека тој (Заев) манипулира како ќе посака со судскиот систем го потврди, по психолошкиот пресврт во Македонија – по нашите откритија, ексминистерот за правда од редовите на ДУИ, Блерим Беџети, којшто рече дека во минатото Заев често пати му барал да влијае на членовите на Судскиот совет со цел да изберат нов претседател на важен суд, поприлагодлив на барањата на премиерот”, пишува италијанскиот новинар Ларис Гајзер во весник „Ла верита”.

На 8 август на интернет страницата на „Ла верита“ Гајзер во неколку продолженија објави видео и аудио снимки за случајот „Рекет“.

„Камчев потврди, а тоа беше потенцирано и од нас, дека првите докази против Јанева беа презентирани пред повеќе од еден месец, пред приведувањето на Боки13. Повеќе од еден месец на Јовески, а посебно на Рускоска, им беше потребно да побараат притвор за специјалната јавна обвинителка. Еден месец во кој можеа да бидат уништени докази, да се влијае врз фактите и врз сведоците. Јасно е дека целиот овој систем би можел да биде објективно критикуван најмалку за негрижа, ако не и за малициозно соучесништво“, пишува Гајзер.

Доколку преземете содржина од оваа страница, во целост сте се согласиле со нејзините Услови за користење.