Лацио го декласираше Милан

SS Lazio and AC Milan at Olimpico stadium in Rome, Italy, 24 January 2023. ANSA/FEDERICO PROIETTI

Во последниот натпревар од првата половина на италијанското фудбалско првенство, Лацио на својот „Олимпико“ во Рим го декласираше со 4:0 бранителот на титулата Милан.

Мрежата на гостите ја начна Сергеј Милинковиќ-Савиќ уште во 4 минута, а водството на Лацио со доста среќа ја удвои во 38 минута погодокот на Матија Закањи. Во вториот дел, победата на домашните ја потврдија Луис Алберто од пенал во 67 и Фелипе Андерсон во 75 минута.

Милан остана на втората позиција со 38 бодови, но сега Лацио дојде на третата позиција со 37 бодови, колку што има и четвртопласираниот Интер и петтата Рома. На чело на Серија А е Наполи со засега недостижните 50 бодови.

Доколку преземете содржина од оваа страница, во целост сте се согласиле со нејзините Услови за користење.