Лацио го освои италијанскиот куп

36
ANSA/PAOLO MAGNI

Фудбалерите на римски Лацио се победници во националниот куп, откако во финалето како домаќини на „Олимпико“ ја победија Аталанта со 2:0.

„Небесносините“ поведоа со погодокот кој со глава во 82 минута го постигна Србинот Сергеј Милинковиќ-Савиќ, и тоа само три минути откако влезе во игра како резервен играч. Во 90 минута Аргентинецот Карлос Жоакин Кореа од соло продор ги постави конечните 2:0.

За Лацио во десетте финални соочувања во историјата ова е седмата тутула во Купот, а прва по 2013 година. За Аталанта, пак, ова беше четвртиот настап во финалето на Купот, а единствениот трофеј го освоила во 1963 година, додека во 1987 и во 1996 година беше поразена од Наполи, односно од Фиорентина.

Пред точно десет дена во средбата од 35-то коло од италијанското фудбалско првенство Аталанта во Рим го совлада Лацио со 3:1 освојувајќи три важни бодови во борбата за настап во Лигата на шампионите следната сезона. На две кола до крајот тимот од Бергамо е на четвртото место со три бода предбност пред петтиот Милан и шестата Рома кој го ловат четвртокот место. Лацио е на осмото место со 58 бодови, четири помалку од позицијата шест која води во квалификациите за Лига Европа.

Доколку преземете содржина од оваа страница, во целост сте се согласиле со нејзините Услови за користење.