Лам: Баерн (М) не игра тика-така

107

Капитенот на се уште актуелниот светски и европски клупски шампион, Баерн (М), Филип Лам, откри дека во греша се сите тие кои мислат дека старо-новиот шампион на Германија сака да игра како каталонскиот гигант Барселона и да го форсира веќе проверениот стил на игра, популарната “тика-така”.

„Барселона беше заштитен знак во фудбалскиот свет од 2008 до 2012 година. Тогаш го играа најубавиот фудбал. Сепак, Баерн (М) нема таква амбиција, нема таква желба да игра како Барселона. И под водство на Пеп Гвардиола, Баерн (М) покажа и докажа дека има сопствен стил на игра, оригинален стил на игра, а не некоја копија. Бевме многу опасни на противничката половина, игравме брзи контра напади, а топката постојано беше во нашите нозе. Точно дека таков посед имаа и фудбалерите на Барселона, но тоа има едно значење, дека имаше целосна контрола врз играта и врз резултатот. Баерн (М) никогаш не играше “тика-така”. Ние си имаме наш, успешен начин на игра. И во иднина ќе го форсираме таквиот стил на игра и ќе се обидеме истиот да го подобриме, да го подигнеме на едно повисоко ниво”, изјави репрезентативецот на Германија.

Доколку преземете содржина од оваа страница, во целост сте се согласиле со нејзините Услови за користење.