Германска група која следи случаи на антисемитизам денеска соопшти дека документирала повеќе од 2.700 инциденти во земјата минатата година, вклучително и 63 напади и шест случаи на екстремно насилство.
Одделот за истражување и информации за антисемитизмот (RIAS) во извештајот наведе дека главни двигатели на забележаните инциденти биле антисемитските теории на заговор поврзани со пандемијата на коронавирусот и антисемитските критики за конфликтот на Блискиот Исток.
Меѓу евидентираните инциденти има и кривични дела.
Германскиот комесар за антисемитизам Феликс Клајн го опиша бројот на инциденти во извештајот на RIAS како застрашувачки, додавајќи дека „во исто време, секој регистриран инцидент е чекор кон намалување“ на нивниот број.
Во извештајот се наведува дека десничарските екстремисти се одговорни за 17 отсто од инцидентите и дека повеќе од половина од евидентираните антисемитски инциденти не може да се припишат на некој посебен политички став.
Доколку преземете содржина од оваа страница, во целост сте се согласиле со нејзините Услови за користење.