Лејди Гага откри дека и понудила менторство на Били Ајлиш, бидејќи кога започнала да навлегува во музичките води, таа самата се борела, немајќи поискусна жена во индустријата со која ќе разговара.
Гага (34) вели дека ѝ пратила на Били (18) букет цвеќиња откако Били доби пет Греми награди, за да знае дека е таму за неа ако има потреба.
Таа рече за „Епл музика“: ‘Били однесе цела низа награди, па си реков да ѝ испратиме цвеќе. И напишав и белешка. Мене ме повредуваше што никој не го направи тоа за мене. Затоа сакам јас да бидам таа за некој друг. Јас немав повозрасен женски ментор. Освен Селин Дион и Карол Кинг, докажано е дека тешко беше да се има некој што ќе ми го покаже патот. Значи, навистина се надевам дека младите жени-уметници – или млади уметници со било каков родов идентитет или сексуален идентитет – ќе знаат дека јас сум тука за нив. Оваа идеја дека се вкоренуваме едни со други, се радуваме едни со други, е толку важна.“
Гага призна дека пронашла ментор во сер Елтон Џон, објаснувајќи како и помогнал кога почнала да се чувствува како робот, поради притисоците од индустријата. Таа објасни: ‘Мислам дека се обидував да ја сфатам својата хуманост во рамките на системот како музичката индустрија. Доживеав радост додека доживував огромна количина депресија како резултат на ова објективирање и недостаток на чувства.“
„Елтон беше мојот ментор долго време. Тој секогаш ме предизвикуваше да ја држам главата над водата. Елтон секогаш ме предизвикуваше да се грижам за мојата уметност и да се грижам за себе, и јас навистина го почитувам тоа. Тој е толку уникатно посебен “.
