Во првото полуфинално соочување на втората двојка во Лигата на шампионите во средата Ливерпул на својот „Енфилд“ го победи Вилјареал со 2:0.
Ливерпул дојде во водство во 53 минута кога Первис Еступињан во обид да го блокира нафрлувањето на Хендерсон, ја одби топката која ја промени насоката и го измами неговиот голман Рули. Домашните за само две минута го удвоија водството, кога Мохамед Салах одлично го проигра Садио Мане кој правовремено втрча зад гостинската одбрана и ја турна топката крај Рули во левата статива.
Возвратниот натпревар е закажан на 3-ти мај во Вилјареал на стадионот „Ла Керамија“.
Ден подоцна во Мадрид ќе се соочи втората двојка од полуфиналната англиско-шпанска пресметка во која Реал ќе го брка заостанувањето од 3:4 против Манчестер Сити.
