„Лојдс“: Сметката од пандемијата за осигурителните куќи над 200 милијарди долари

35

Пандемијата ќе ја чини осигурителната индустрија над 200 милијарди долари, соопшти лондонската осигурителна компанија „Лојдс“.

Според проценките на компанијата, исплатите за осигурување на Лојдс сега се на исто ниво како по нападот на 11 септември 2001 година, или надоместокот платен во име на штетата предизвикана од ураганите Харви, Марија и Ирма во 2017 година.

Лојд, кој како осигурител на пазарот, плаќа компензација на осигурителните компании погодени од катастрофи, во соопштението нагласува дека очекува да им плати осигурителни компании меѓу три и 4,3 милијарди долари за да им помогне да се справат со пандемијата Ковид-19.

Загубите би можеле да се зголемат доколку стопирањето на работите продолжи во наредниот квартал, што би го зголемило вкупниот цех на осигурителната индустрија на 203 милијарди долари. За разлика од невремето, на пример, влијанието на пандемијата е глобално, системско и долгорочно, тврди лондонската осигурителна компанија.

Студијата на Лојд се заснова на претпоставка за континуирана имплементација на мерки за социјално дистанцирање и блокада на деловните активности во 2020 година, како и проценки за падот на бруто домашниот производ на глобално ниво.

Доколку преземете содржина од оваа страница, во целост сте се согласиле со нејзините Услови за користење.