Белорускиот претседател Александр Лукашенко во средата ненадејно без никаква најава ја положи свечената обврска за новиот претедателски мандат, порачувајќи дека Белорусуте „не избрале само претседател, туку и мир“.
Церемонијата на свечената обврска, која досега се одржуваше како голем настан, се одржува во атмосфера на масовните протести по претседателските избори од 9-ти август, на кои Лукашенко повторно победи со 80 отсто од гласовите. Резултатот не го признава опозицијата, како и Западот кој бара повлекување на Лукашенко и нови избори. Во спротивно Белорусија ќе се соочи со санции од Евопската унија и САД.
Државната новинска агенција Белта пренесе дека Лукашенко ја положил десната рака на копијата од белорускиот Устав и ја положил заклетвата, како и дека на церемонијата во Дворецот на независноста во Минск присуствувале неколку стотици лица.
Во текот на инаугурацијата, Лукашенко изјавил дека Белорусија не го избрале само претседателот на земјата, туку и го бранеле мирот и суверенитетот. Истакнал, исто така, дека ја презема функцијата „со чувство на гордост за народот кој ги минал искушенијата на цврстината на своите убедувања“/
„Ова е денот на нашата убедлива победа“, истакнал Лукашенко, додавајќи дека „не може и нема право да ги напушти Белорусите“.
Лукашенко ветил и дека социјалната политка и натаму ќе остане главниот белег на земјата и посочили дека „обоената револуција не успеа и покрај невидениот предизвик и ѓаволските подметнувања однадвор“.
Покрај забелешките за спорните избори на кои и покрај поканата од Минск не присуствуваа набљудувачи од ОБСЕ/ОДИХР со изговор дека немале доволно време да ја подготват мисијата, Западот се заканува и за остриот одговор на безбедносните сили на масовните протести. Специјалниот известувач за човекови права на ОН, Анес Марен, рече минатата седмица дека постои над 10.000 луѓе бидел уапсени од изборите, и дека постојат повеќе од 500 извештаи за тортура.
