Македонци и Црногорци повредени во тепачка во Албанија

115

Масовна тепачка се случи денес во бродска линија Анкона -Драч во раните утрински часови, пишува Gazeta Express.

Според полицијата, косовски државјанин влегол во конфликт со пет странци, Црногорци и Македонци. Како резултат на кавгата, Косоварот прободел еден од нив. Полицијата во Драч го уапсила 36-годишниот Алтин Хакам, роден во Митровица со живеалиште во Лондон.

Полицијата започнала кривична постапка против Далибор Јовановиќ (36) и Виктор Крстевски (34) кои живеат во Република Македонија како и Драган Ковачевиќ (29) и Драгиша Гогиќ (25) и двајцата од во Црна Гора, објави Gazeta Express.

Полицијата соопшти дека најтешко повреден е 28-годишниот црногорски државјанин В.M.кој моментално се наоѓа во Воената болница во Тирана и е во критична состојба.

Другите  се полесно повредени. За време на конфликтот, биле повредени и Алтин Хакам и неговата сопруга Хакам Л. (35) жител на Лондон, кои се во регионалната болница во Драч надвор од животна опасност.

Доколку преземете содржина од оваа страница, во целост сте се согласиле со нејзините Услови за користење.