Мнозинството Македонци во Република Македонија се против Договорот со Грција, односно не се согласуваат истиот да продолжи со спроведување во Собранието преку процесот на измени на Уставот на државата, покажуваат резултатите од најновата анкета која ја објави вечерва телевизија Телма.
Според податоците, 54,4 отсто од Македонците не поддржуваат натамошното спроведување на Договорот кој владата на Зоран Заев го потпиша со Грција. Албанците, пак, во 92,6 проценти сметаат дека спроведувањето на Договорот треба да продолжи.
Резултатите од спроведената анкета посочуваат дека Македонците во најголем дел не ја поддржуваат одлуката на седумте пратеници да гласаат за уставните измени. Ваквата одлука на пратениците не ја поддржуваат 47,4 отсто од испитаните Македонците.
