Македонија против Бахреин брка втора победа на СП во ракомет

Македонската ракометна репрезентација денеска од 14 часот во „Олимпик хале“ во Минхен излегува против Бахреин во потрага по втората победа на Светското првенство кое се одржува во Германија и Данска.

Очекувањата се избраниците на Раул Гонзалез без поголеми да ја запишат втората победа против аутсајдерот во „групата Б“, пред клучните дуели со Хрватска, Исланд и Шпанија кои се играат претстојната недела.

Селекторот на „жолто-црвените“ за овој натпревар излегува со ист состав како на претходниот меч со Јапонија, кој го добивме со 38-29. Бахреин првиот меч го изгуби убедливо против Шпанија (33-23).

Репрезентативците во вчерашните изјави за медиумите потврдија дека максимално се подготвуваат за дуелот со азискиот тим и дека не смее да има опуштање во тимот.

Македонија има позитивен резултат од досегашните пет официјални натпревари со репрезентации од Азија и има исто толку победи.

Натпревари од група „Б“:

14:00 часот Македонија – Бахреин
16:30 часот Хрватска – Јапонија
19:00 часот Шпанија – Исланд.

Доколку преземете содржина од оваа страница, во целост сте се согласиле со нејзините Услови за користење.