Во сабота на 16 февруар излегува новиот, деветти по ред, албум на Sethstat (Сетстат), еден од водечките бендови на современата македонска џез музика.
Речиси 30 години постоење и работа во континуитет зборуваат за импозантно искуство, кое е втакено во совршената џез ДНК на овој албум. Нумеричка мистично “9IX”, ова е несомнено најзрелиот, најкомплетен и секако досега најдобар албум на Sethstat (Сетстат).
Дело со совршен баланс помеѓу елементите, кое се преслушува во една долга содржајна голтка. Од фуриозни панк-фанк бркотници, преку грациозни емоционални мигови и длабоко екпериментални импровизации, се до музички беспрекорна убавина. Совршен аудио продукт за модериот слушател со повисоки естетски стандарди.
Албумот го издава скопската дискографска куќа “PMGJazz” (ПМГЏез), а го најави видео синглот за композицијата Balthazar (Балтазар), изработен од господинот Alexandros Stamatiou (Александрос Стаматиу), долгогодишен соработник и пријател на бендот. Албумот ќе биде достапен на ЦД и на бенд кемпот на ПМГЏез (https://pmgjazz.bandcamp.com/)