Македонскиот диџеј и продуцент ГАЛОСКИ со нов, овојпат историско остварување за домашната и светска музичка сцена. Галоски како артист од Македонија е првиот диџеј и продуцент што се најде на елитната и светска 101tracklist и тоа на 69-то место на најдобри продуценти и најподдржани артисти за електронска музика во светот, со што уште еднаш докажа дека е еден од најуспешните и најактивни артисти на Балканот со светска кариера!
Неговите изданија редовно може да ги слушнеме низ плејлистите на најголемите светски диџеи како Tiesto, David Guetta, Martin Garrix, Afrojack, Steve Aoki, Don Diablo, Alesso, а музиката на Галоски периодов добива константна поддршка и одлични комплименти и од мулти-платинестиот хит-мејкер Jonas Blue.
Интересен факт е дека Галоски е еден од ретките артисти на Балканот кој има милионски преслушувања на музичката стриминг платформа Spotify. Исто така, TOMMOROWLAND кој претставува еден од најголемите музички фестивали и брендови за електронска музика, оваа година му додели титула за Артист на месец Јули со што го најави како еден од артистите со светла иднина.
Ова лето ќе биде запаметено и по емитувањата на неговите изданија од светски познатото BBC Radio, KISS FM и уште многу други реномирани радио станици во светот.
Новитет во неговата кариера е последното музичко парче насловено како ‘Thinking About You’ кое официјално излегува овој петок во издание на FUTURE HOUSE MUSIC – една од најголемите издавачки куќи во светот.
