Македонските кошаркари се пласираа во полуфиналето на ФИБА купот

47

Македонската машка кошаркарска репрезентација под 20 години ќе игра во полуфиналето на ФИБА „Челенџер“ купот и покрај денешниот пораз од Швајцарија со 65:79 во рамки на третото коло од групата Д на турнирот во унгарскиот град Шопрон.

По три одиграни кола, три селекции во групата Д завршија со ефект од две победи и еден пораз, а во „триаголникот“ со селекциите на Швајцарија и Луксембург, „црвено – жолтите“ имаат втор најдобар резултат, доволен за пласман во полуфиналето.

Утре е слободен ден на „Челенџ“ купот во Шопрон. Во полуфиналето македонската репрезентација ќе игра против подобриот од средбата Унгарија – Белорусија.

Доколку преземете содржина од оваа страница, во целост сте се согласиле со нејзините Услови за користење.