Македонските надежи изборија пласман на ЕХФ шампионатот , селекторот Лазаров презадоволен

Македонската репрезентација за ракометари до 19 години ја победи селекцијата на Полска со 30-25 и со тоа ја обезбеди , целта односно пласман во полуфиналето од ЕХФ шампионатот во Скопје.

Надежите предводени од Кирил Лазаров заборавија на поразот од  Грција во првото коло и отворија добро. Во првиот дел се играше изедначено , гол за гол па на пауза се замина со -15-16 за Пољаците.

Во вториот дел Македонските надежи одлично одиграа и не оставија никаква шанса на Полска да фати приклучок во мечот.

Митев се истакна со седум гола, а Петковски се надоврза со четири реализации, колку што имаше и Петар Атанасијевиќ. Голманите Галевски и Ермакоски собраа по четири одбрани.

По победата, селекторот Кирил Лазаров го изнесе своето мислење. Тој беше задоволен од прикажаното, а зборуваше и за психолошкиот момент на овој турнир.

„Денес одигравме многу подобар натпревар отколку пред два дена. Се изборивме со притисокот што сами си го наметнавме и се пласиравме во посакуваното полуфинале, а сега одиме на тоа да го освоиме Шампионатот. Денес, успеавме да реализираме голем дел, 70-80% од тоа што се договаравме. Имавме и на овој натпревар доста нереализирани чисти ситуации. Навистина не знам на што се должи тоа, веројатно е психолошки момент. Ние навистина се обидуваме да ги ослободиме од притисок момците. Пред натпреварот им кажав дека и да загубиме, не е крај, дека ќе продолжиме напред, со главите горе. Ако сакаме да изградиме тим, мораме да бидеме и трпеливи, но и за нив е подобро ако тимот го градиме преку учества на Светски и Европски првенства“, изјави селекторот Кирил Лазаров.

Полуфиналните средби ќе се одиграат утре, а Македонија  сè уште не го знае својот ривал. Швајцарија  и Босна и Херцеговина се борат за првото место во групата Б2, па подобриот ќе оди на мегдан со избраниците на Лазаров.

Доколку преземете содржина од оваа страница, во целост сте се согласиле со нејзините Услови за користење.