Два месеца власта го остава стопанството на милост и немилост, и затоа потребни се итни мерки и свежи пари во економијата, вели претседателот на ВМРО-ДПМНЕ, Христијан Мицкоски критикувајќи ги политиките на власта и начинот на којшто Владата на СДСМ се справува со епидемијата на коронавирусот.
Според него, целото стопанство во моментов е оставено на милост и немилост.
-Вие го оставате стопанството два месеца на милост и немилост. Затоа ние велевме интензивна брза акција и во март, сега веднаш во април требаше да се плати, на на луѓето да ги задржат вработените за март. Ако се тргнеше и ако ги спроведоа сите оние работи кои што ние им ги велевме, ако Народната банка ја намалеше каматата на благајничките записи и дел од тие пари завршија во државни хартии од вредност. Вчера слушав тука се мешаат поими, ликвидност, едно друго, навистина бев зачуден од сето тоа незнаење, вели Мицкоски.
Мицкоски потенцираше дека во моментов се потребни итни мерки и свежи пари во економијата. Посочи дека треба да се вбризгаат пари и да се троши, а парите треба да ги обезбеди Владата.
